Kultur pilulak-Berako Udala

Berako Udalaren Kultur Pilulak proiektuaren barne Pettik kontzertua eskainiko du ortziralean

Alerta egoera honetan, kultur programazio guztia bertan behera gelditu dela ikusita, horri irtenbidea bilatu nahi izan dio Berako Udalak eta Kultur Pilulak izeneko proiektua paratu du martxan. Ortzirale arratsaldetan Berako sortzaileen eskutik kultur programazioaz gozatzeko aukera eskainiko du eta Petti arduratuko da ekimenari hasiera emateaz.

Kultur etxeko emankizunak, ostatuetan saioak, herrian egitekoak ziren bertzelako topaketa, ospakizun edota egun bereziak... Kulturari lotutako guztia bertan behera edo gibeleratua izan delako sortu du Berako Udalak Kultur Pilulak izeneko proiektua. Berako kultur sortzaileei atea ireki bidenabar, «espero dugu itxialdi honek sor dezakeen estres puntu hori sendatzen lagundu ahal izatea». Gisa berean, «pilula horiek, ohikoak bezala, dosi ttikikoak» izanen direla azaldu du. 

Youtubeko Kultur Pilulak kanalera harpidetu eta ortziraletan han eskainiko dituzte kontzertuak. Lehenbiziko emanaldia bihar, maiatzak 8, 18:00etan, izanen da, eta Petti izanen da protagonista.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun