Hogei lagunek parte hartu dute Biltokik antolatu eta Donna Apelanizek emandako ikastaroan
Bizitzarako adimen emozionala ikastaroa egin dute Igantziko Biltokin. Hogei lagunek parte hartu dute, Etxalar, Bera, Lesaka, Usurbil eta Igantzikoak. Beraz, gehieneko kopurua bete zen. Donna Apelaniz Nietoren eskutik, 16 orduko formakuntza izan zen, lau larunbatetan banatuta, ilbeltzak 25, otsailak 1, 22 eta 29an. Ikastaroa bukatzeko, ahal izan zuten guztiek bazkari bat egin zuten elkarrekin Biltoki Elkartean.
Parte hartzaileek, emaleak eta antolatzaileek balorazioa positiboa egin dute. «Talde polita, aberatsa, irekia, gogotsua, parte hartzailea osatu da», diote.
Igantziko Biltoki elkarteak antolatu du ikastaroa, Caixa Fundazioaren babesarekin eta Igantziko Udalaren laguntzarekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.