Eguraldi ederra lagun inude eta artzainek ikuskizun ederra eskaini dute Beran

Inude eta artzainen 66 bikote bildu ziren atzo Berako karriketan, inauterietako igandean egiten duten ohiko kalejira egiteko. Eztegara frontoitik abiatuta Agerrarako bidea egin zuten, eta han ongi gosaldu ondotik, auzoz auzo musika lagun kantari eta dantzari ibili ziren. Gaur, astelehena, goizean zingar arrautze eskean ibiliko dira baserri auzoetan eta herrian karrozak aterako dituzte.

Inude eta artzainen karrozan, berriz, Momo Erregea edo Aita Joxepe eta pajeak ibili ziren eta horien papera Leire Ruiz, Lizar Elexpuru eta Maialen Ruizek egin zuten. Gainerakoan, obispoak, alkateak, erizanak, mojak... Denetarik atera zen. Aurten, gainera, Amaia Espinosak zuzendutako abesbatza ere kantuan aritu zen. Goizeko harat-honaten eta bazkariaren ondotik, arratsaldean, berriz elkartu ziren Eztegara pilotalekuan eta handik Altzaterako bidea egin zuten.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun