Neska-mutikoen harat-honatekin kolorez jantzi dituzte Berako karrikak gaur goizean, zingar arrautze eskean ibiliz. Arratsaldean 15:45etik aitzinera haurren inudeek eta artzainek Suhiltzaileen parketik Eztegara pilotalekurako bidea eginen dute. 16.30ean Eztegara pilotalekuan Parranda Tutiplen haurrentzako berbena izanen da.
Igandean izanen dute Berako inauteriek segida. 10:00etatik aitzinera, goiz osoan, inude eta artzainak herrian barna ibiliko dira, Eztegara pilotalekutik abiatuta. 18:00etan ere berriz aterako dira Eztegara pilotalekutik.
Astelehenean, berriz, goizean zingar arrautze eskean ibiliko dira eta horrez gain, egun osoan, karrozak aterako dituzte beratarrek.
TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.