Edu Zelaieta idazleak eta Beñardo Goietxe eta Raul Garcia musikariek sortu zuten 2004an Mugaldekoak taldea, Zelaietaren izenburu bereko poesia liburuko olerkiei musika jartzeko. Gerora, Xavi Perez baxu jotzailea eta Mattin Arbelaitz bateria jotzailea batu dira taldera eta zuzenekoetan rock formatuaren aldeko apustua egin dute.
Mugaldekoak taldeko musikariak zuzenean ariko dira otsailaren 16an, 18:00etatik aitzinera, Izpegiko Bereko bentan. Mugaldekoak jatorrizko izenari Band gehituta, rock laukote formatuan igoko dira oholtzara. Taldeak dituen lau diskoetatik hautatuko kantuak eta grabatu berri dituztenak ere eskainiko dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun