Larunbatean 17: 00etatik aitzinera, lau partida jokatuko dituzte, bi 16 urtez azpikoak eta bana pilota goxoarekin –promoziokoa– eta mistoarekin. Parte hartzaileen artean nabarmentzekoak dira Bartzelonako Maria Isabel Garcia eta Leire Arribas, Laia Salsamendi eta Ane Mendiburu nafarren aurkako kanporaketan parte hartzeko autoz 1500 kilometro –joan eta etorri– eginen dituzten bi pilotari gazte. Larunbatekoa ez da Nafarren Etxeko bi pilotariak Euskal Herriko frontoi batean lehiatuko diren lehen aldia, bai, ordea, Laboral Kutxa Emakume Master Cupean parte hartuko duten lehen aldia.
Ikusmina sortu du, halaber, Nagore eta Leire Galeano ahizpen partidak: Antzuolako bi pilotari gazteek euren pilotalekuko ikusleen berotasuna aprobetxatzen saiatuko dira, 16 urtez azpikoen kanporaketa aitzinera ateratzeko, Lizartzako Irati Zabalaren eta Barakaldoko Maialen Bediaren aurka.
Larunbatean 17:00etatik aitzinera Antzuolako pilotalekuan
Sub 16
Olatz Insausti (Antzuola) eta Eider Salbide (Uharte) – Aizane Ibarrola (Uharte) eta Eider Zubizarreta
Nagore eta Leire Galeano (Antzuola) – Irati Zabala (Lizartza) eta Maialen Bedia (Barakaldo)
Promozioa, pilota goxoarekin
Naiara Trigueros eta Ane Urkizu – Ekiñe Otaola eta Andrea Aldaregia
Promozioa, pilota mixtoarekin
Laia Salsamendi eta Ane Mendiburu (Uharte) – Maria Isabel eta Leire Arribas (Bartzelona)