Mendiko zenbait gai aztertzeko bilera deialdia egin du bando bidez Lesakako udalak urtarrilaren 31n, ortziralean 19:30ean, Herriko Etxeko Pleno aretoan. Gai ordenean, PAC-aren dirulaguntza, auzolanak eta bertzelako gaiak izanen dituzte.
Bertze aldetik, Berrotarango errekako arbolak kentzeko eta Bereautik Zubiberrira doan pistako arbolak kentzeko bertze bando bana ere argitara eman du Lesakako Udalak. Azkeneko haizete gogorrean eroritako zuhaitzak daude bi erreka bazter horietan eta bakoitzak bereak dituen arbolak kentzeko deia egin du. Laguntza behar izanez gero, Udaletxera ere jo daitekeela gogorarazi dute.