11 bikotek parte hartu zuten joan den ortziralean Arantzako Ekaitza Elkartean jokatu zen Euskal Herriko Mus Txapelketako kanporaketan. Horietatik bi bikote sailkatu dira otsailaren 29an Iruñean jokatuko den Nafarroa mailako finalera: Ibai Etxeberria eta Alberto Fagoaga eta Luis Andueza eta Patxi Iturria.
Ekaitza Elkarteak ere sariak banatu zituen. Irabazle izan ziren Etxeberriak eta Fagoagak oilasko bana eta botil ardo bana hartu zituzten Markel Jorajuria Ekaitza Elkarteko ordezkariaren eskutik eta bigarren gelditu ziren Anduezak eta Iturriak gazta bana eta botil sagardo bana.