Berako Mendi Egunean Guztiok taldeko haurrei emandako aukeragatik eskerrak eman nahi izan dizkiote Manttale Taldeari

Joan den urtarrilaren 11n Mendi Eguna antolatu zuen Manttale Mendi Taldeak eta horren bueltan, egun osoan hainbat ekitaldi prestatu zituzten. Manttale taldeak Guztiok elkarteari «pertsonalki» egin zien ekitaldi horietan parte hartzeko gonbitea eta hori goraipatzeaz gain, Beran Manttale taldea izatearekin «zorionekoak» sentitzen direla adierazi dute Guztiok elkartetik. «Urtean behin ekintza inklusioak antolatzen dituzte eta Guztiok elkarteko umeek bertzeek bezala gozatzeko aukera izaten dute».

Guztiok taldeko ume aunitzek behar bereziak edota desgaitasunak dituztela oroitarazi dute Guztiok taldetik, eta «ume horiek parte har dezaketen ekintzak, zoritxarrez, urte guztian gutti izaten dira», gaineratu dute. «Poliki-poliki inklusioa lortzen» ari dela diote, baina «oraindik egiteko lan haundia» dagoela nabarmendu dute.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun