Dabid Iturria alkateak eta Joseba Pikabea zinegotziak hartuko dute hitza, baina eurekin batera, herriko bertsolari gazteek, Jaione eta Jon Mazizior eta Maddi Larralde musikariek eta Mentxu Peña kontalariak parte hartuko dute. Inaugurazio ekitaldia borobiltzeko luntxa eskainiko du Udalak hurbiltzen diren guztientzat.
Heldu den astetik aitzinera izanen dute herritarrek zerbitzua eskura. Astean bi aldiz irekiko dute liburutegia, bi orduz: astelehenetan eta asteazkenetan, 16:30etik 18:30era. Auzolanaren bitartez funtzionatuko du.