Larunbatean Burgun jokatu ziren tiraldiak, emakumezkoak 540 kilotan eta gizonezkoak 600 kilotan. Emakumezkoetan zein gizonezkoetan nagusitasun osoa Lesakako Beti Gazte taldeentzat izan zen. Emakumezkoetan, 540 kilotako bigarren jardunaldian, Beti Gaztek tiraldi guztiak irabazi zituen. Bigarren Badaiotz izan zen. Ondoren, Gaztedi Laukizkoa (2,5) eta Txantrea ere berdin (2,5). Azkena Ibarra izan zen.
Gizonezkoetan ere espero zena gertatu zen. 600 kiloko lehen jardunaldian Beti-Gaztek tiraldi guztiak irabazi eta lehenbizikoa izan zen 7 punturekin. Bigarren, Laukizko Gaztedi (6 puntu); jarraian, Ibarra (5 puntu), Berriozar (4 puntu), Murueta (3 puntu), Txantrea (2 puntu) eta azkena Antsoain (puntu bakarra).
Igandean Altamiran 640 kilotako bigarren jardunaldian neurtu ziren gizonezkoak. Lehen jardunaldian bezala, Beti-Gazte izan zen irabazlea, tiraldi guztiak irabazita (8 puntu). Ondoren, Ibarra (7), Zuraide A (6), Murueta (5), Zuraide B (4), Txantrea (3) eta Abadiño eta Antsoain 1,5ekin berdinduta.