Nahi duen jende guztiak har dezake parte, adin-mugarik gabe. Lau kontrol egonen dira: bat irteeran, bi erdi bidean eta bertzea San Antonera ailegatzean. Bikote edo hirukote erregularrena izanen da irabazlea.
Parte-hartzaile bakoitzak 5 euro ordainduko ditu, eta kamiseta bat oparituko zaio. Horrez gain, lehen bi sailkatuentzako sariak banatuko dituzte. Saridunak Beti Gazte elkartearen webgunean paratu eta hurrengo egunetan banatuko dituzte sariak.
Irteeran, ibilbideari buruzko jarraibideak emanen dituzte, bertatik igarotzeko. Helmugan txistorra-pintxoak izanen dira parte-hartzaile guztientzat.