Bart arratsean Larhun magalean izandako sua nahita piztutakoa izan dela adierazi du Berako Udalak

Kaule auzoan gertatu da, Egiburu inguruko basoan

Atzo 19:15 aldera piztu zen eta 23:30 aldera itzalitzat jo zuten Berako suhiltzaile boluntarioek eta Oronoz-Mugairiko suhiltzaileek. Gaua han pasatu dute azken horiek baina berriz piztu dela adierazi dio Aitor Elexpuru Berako alkateak Ttipi-Ttapari. Ez hori bakarrik «nahita» piztutakoa izan dela azaldu du eta ez dela lehenbiziko aldia: «azken boladan haizea dagoenean behin baino gehiagotan piztu dute nahita sua eta kezkatuak gaude». Sasia da erre dena baina udalaren ustez, «helburua min egitea da, ez larrea erretzea».

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun