Bortzirietako bertso eskolak hogeita batgarren aldiz antolatutako taldekako lehiaketa jokatuko da ilbeltzaren 4an. Aurten ere, datorren larunbatean 12:00etan hasita Berako Xugan jokatuko den lehen fase irekiaren ondotik, sailkatzen diren lehen hamabi bertsolariekin, hiruna bertsolariko lau talde osatuko dituzte.
Lehen finalerdia Berako Katakun eginen dute 17:00etan eta bigarrena Lesakako Haizeguan 18:30ean. Finalerdietan nagusitzen diren bi hirukoteek finala Lesakako Arrano ostatuan jokatuko dute. 21:00etan afaria eginen dute eta ondotik finala. Afarirako txartelak 15 eurotan eros daitezke. Izena emateko bortzibertso@gmail.com helbide elektronikora idatzi edo 618 96 30 11 telefonora deitu behar da.