Beti Gaztek irabazi du Euskal Herriko launakako sokatira txapelketa mistoa ere

Ttipi-Ttapa 2019ko abe. 26a, 15:00
Deskargatu Info Ahotsak :
es en fr

Euskal Herriko launakako sokatira txapelketako mistoko podiumean, Beti Gazte, Ibarra B eta Gaztedi.

Honela, launakako txapel guztiak irabazita, zortzinakakoari ekinen diote lesakarrek urtarrilaren 13an

Euskal Herriko goma gaineko 4x4 sokatira txapelketako azkena jokatu zen abenduaren 21ean Artziniegan. Lehengo lepotik burua, Lesakako Beti Gaztek irabazi zuen, saioko tiraldi guztiak irabazi baitzituen (8 puntu). Joxe Angel Mitxelenak, Aitziber Goienetxek, Eneko Saldiasek eta Ainhoa Ubiriak osatu zuten Beti Gazteko laukotea, Paskual Taberna erakusle zutela.

Lesakarren ondotik sailkatu ziren Ibarra B, Gaztedi, Ibarra A, Berriozar, Bizindar B, Antsoain eta Bizindar A.

Gisa honetara, Euskal Herriko launakako sokatira txapelketako txapel guztiak irabazi ditu Beti Gaztek, emakumezkoen bi kategoriak, gizonezkoen bi kategoriak eta mistoa. Urte berriarekin batera, urtarrilaren 11n abiatuko den Euskal Herriko zortzinakako txapelketarako indarra emanen die, baita ondotik, otsailaren 19tik 23ra Irlandako Letterkenny hirian jokatuko den Munduko txapelketarako.

Kirola Bortziriak Lesaka

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun