Hilaren 22ra arte eman daiteke izena Lesakako Kasinoan eginen duten otordurako
Joan den urte bukaeran egin zuen bezala, aurten ere gala-afaria antolatu du Elutxa txarangak Lesakako Kasino jatetxean. Abenduaren 27an, ortziralean izanen da, baina izena emateko epea abenduaren 22an bukatuko da, Txinelka zapata-dendan eta Izarra okindegian.
Heldu den ortziralerako egitarauari dagokionez, 18:00etan txaranga-poteoa izanen dute, Jubilatuetatik hasita. 20:30ean cocktel musikatua eta 21:30ean afari deluxa. Menuaren prezioa 30 eurokoa izanen da eta cocktela Elutxa txarangaren kontura izanen da.