Donostia Kultura Irratiak antolatutako Hamaika Entzuteko! Irrati-piezen lehiaketa bosgarren aldiz egin dute aurten, eta sariak berriki banatu dituzte. 43 pieza aurkeztu dituzte deialdira eta sari nagusia bi piezen artean banatu dute. Sariaren erdia Jon Obeso, Jose Luis Padron, Maider Gorostegi eta Joserra Senperenaren El hombre aparece en el holoceno lanarentzat izan da eta bertze erdia Paloma Arias, Nerea Cardenas, Mikel Claver eta Iker Iturberen Estigia piezarentzat.
Maite Bidarte Sota lesakar kazetariak euskarazko pieza onenaren saria jaso du, Google lanarekin.
Epaimahaikideak Aitziber Iartza Donostia Kulturako Komunikazioa eta Irudia saileko teknikaria, Lourdes Gutierrez Casares-Tomasene Kultur Etxeko zuzendaria eta Manex Urruzola Elhuyar Komunikazioa Unitatearen zuzendaria izan dira.