Hirugarrenean ere kontzertu ederra eskaini du Carlos Nuñezek Etxalarren

Ttipi-Ttapa 2019ko abe. 17a, 12:00

Carlos Nuñezek eta bere taldekideek kontzertu ederra eta alaia eskaini zuten igandean Etxalarko elizan. Etxalarren eskaini zuten euren hirugarren emanaldian ere herritarrek eta ingurukoek eliza ttiki utzi zuten. Argazkiak: Ibon Errazu Uria.

Carlos Nuñez, Xurxo Nuñez, Pancho Alvarez, Jon Pilatzke eta Itsaso Elizagoien taldeko musikari etxalartarraz gain, bertze hainbat gonbidatuk parte hartu zuten: Jorge Prada gaitarekin aritu zen, Irune Elizagoien etxalartarra panderoarekin eta Karlos Subijana albokarekin. Elizagoien ahizpak ez ziren kontzertuan parte hartu zuten etxalartar bakarrak izan, herriko trikitilariek eta abesbatzak ere euren ekarpen dotorea egin zuten.

Emanaldi bukaeran, taldekideek, tartean Elizagoienek, esker oneko hitzak izan zituzten kontzertua Etxalarren egiteko lan egiten dituzten herritarrentzat, eta bereziki, Pello Apezetxea Etxalarko apezari eskerrak eman nahi izan zizkioten, eliza uzteagatik.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun