Punturik eta IATrik gabe, telefonoz solasean zihoan eta alkohol eta droga probetan positibo eman duen gidari bat geldiarazi dute Bortzirietan

Elizondoko komisariako foruzainek gidari bat inputatu dute Bortzirietan, alkoholemia-tasa gainditu eta punturik gabe gidatzeagatik. Era berean, 3 eta 4 urtetik beheitiko bi adingaberekin haur-atxikipeneko sistemarik gabe zirkulatzeagatik, drogetan positibo emateagatik, IAT pasatu gabe izateagatik eta telefono mugikorrarekin hizketan ibiltzeagatik ere salatu dute. Azkenik, bide publikoan marihuana eramateagatik lege organiko bidez zigortzeko ere proposatu diote agintaritzari. Guztira, zazpi arau-hauste leporatu dizkiote.