Imanol Elizasu piano-jotzaile ezagunak lagundurik kantatuko dute ekitaldi gehiena eta kanta batean Ioritz Mitxeltorena baztandar saxofoi-jotzailea izanen da protagonista. Hogeita hamartik goiti izanen dira bertara bilduko diren kantariak, bortziritarrak gehienak, baina baita baztandar eta iparraldetar zenbait ere. Ea iazko arrakasta lortzeko modurik duen 1996. urtean sortutako abesbatzak.
Larunbatean 20:30ean elizan hasiko da emanaldia
Giltzarri Abesbatzak abenduaren 14an, larunbatean 20:30ean, eskainiko du Igantziko elizan Eguberrietako kontzertua, bigarren urtez segidan. Iaz bezalaxe, dozena bat kanta izanen du egitarauan Isabel Lacar lesakarrak zuzendutako taldeak, bi zatitan banatuak: kanta polifonikoak abestuko dituzte lehenbiziko eta herrikoiak kontzertuaren bigarren zatian.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun