Beti Gazteko emakumezkoek, 240 kiloko pisu arinean txapela jantzi ondotik, 260 kiloko kategoria astunean ari dira. Ozaetan jokatu dira lehen bi jardunaldiak eta lehenbizikoan Gaztedirekin berdindu eta bertze tiraldi guztiak irabazi zituzten eta bigarrenean, tiraldi guztietan nagusitu ziren. Hortaz, 15,5 punturekin lehen postuan lortu dute finalerako txartela. Lesakarrekin batera Badaiotz A (11 puntu), Badaiotz B (10 puntu), Gaztedi (10 puntu), Ibarra (8,5 puntu) eta Txantrea B (8,5 puntu) sailkatu dira Berriozarko finalerako.
Gizonezkoetan ere, Beti Gazteko mutilek lortu zuten 320 kiloko txapela eta orain 300 kilokoan ari dira lehian. Bi multzotan banatuta ari dira bederatzi talde eta multzo bakoitzeko hiru lehenbizikoek lortu dute finalerako txartela. Lesakarren multzoan, Ibarra nagusitu da lehen bi jardunadietan, eta Beti Gazte izan da bigarren. Beraiekin batera, Ñapurrakek lortu du finalerako txartela beraien multzoan. B multzotik, berriz, Gaztedi, Berriozar B eta Antsoain sailkatu dira.
Finalean denak, mutil nahiz neska, hutsetik hasiko dira.