Joseba Beola beratarraren eta Joxelu Irazoki igantziarraren eta Iñaki Zozaia eta Xabier Andueza lesakarraren artean puntu guttiko aldea zegoen. Lasterketako lehen zatian, errepidetik atera zen Zozaia eta Anduezaren Porsche 911 GT3 autoa eta bidea libre utzi zuten Beola eta Iratzokiren garaipenerako. Probako sailkapen orokorra ez ezik, Nafarroako txapelketa ere irabazi zuten, Mitsubishi EvoXR4 autoarekin.
Lurreko rally txapelketan Nafarroako txapeldun izan ondotik, Iñaki Ubiria lesakarrak eta Gorka Biainek Callaghango rallysprint honetan ere parte hartu zuten. 4. klasean irabaztea lortu zuten Seat Ibiza autoarekin eta sailkapen orokorrean zazpigarren izan ziren.
Azkenik, Xabier Zubiri eta Miguel Elizalde lesakarrek, BMW E30ean, 10. klasean irabazi zuten eta, gainera, formula librean Nafarroako rally-txapelketa irabaztea lortu zuten.