Abeslari beratarraren lehen diskoaren kantuak eskaini zituzten larunbatean
Estitxu Pinatxo abeslari beratarrak Haize gorri batek bere lehen diska aurkezteko kontzertua eskaini zuen larunbat arratsean jendez gainezka zegoen Berako Kultur Etxean. Berako abeslariarekin batera, Jokin Pinatxo anaiak ere abestu zuen. Estitxu Pinatxok aipatu duenez, musikari «bikainez» inguratuta grabatu du. Gitarrarekin Joxerra Mitxelena, baxuan Txema Garces, baterian Mikel Santxez, tekladuan Garazi Esnaola eta pianoan Joseba Loinaz izan zituen lagun. Pettik ezin izan zuen kontzertura hurbildu. Estitxuk, hotzekin diskoko hitzekin lagundu dioten Iban Garro eta Edu Zelaieta idazleak aipatu zituen, baita Igor Telletxea musikaria ere.
Haize gorri batek izenburupean, bere abesti propioez osatutako diskoa da. Euskaraz idatzitako testuak ukitu beltz nabaria duen musikaz jantzi ditu beratarrak. Bere ahots indartsuaren kalitatea eta diztira agerian utziz, musikari bikainez inguraturik dago.