Euskal Herriko 4x4 sokatira txapelketa igandean hasiko da Artziniegan

Launaka ere lehiatuko dira Beti Gazteko neskak, Euskal Herriko txapelketan.

Beti Gaztek laukoteak plazaratuko ditu gizonezkoen, emakumezkoen nahiz kategoria mistoan

Nafarroako zortzinakako sokatira txapelketa azaroaren 9an bukatuko da Lesakan eta Euskal Herriko 4x4 sokatira txapelketa abiatuko da biharamunean, azaroaren 10ean Artziniegan (Araba). Hain zuzen, gizonezkoek 320 kiloko kategorian eta emakumezkoe 240 kiloko kategorian lehen jardunaldia jokatuko dute, igande goizeko 11:30etik aitzinera. Bietan, Beti Gazteko tiralariak ariko dira.

Gizonezkoen kategorian, Lesakako taldearekin batera, Bizindar, Txantrea A eta B, Badaiotz A eta B, Gaztedi eta Ibarra lehiatuko dira. Emakumezkoen kategorian, berriz, Beti Gazterekin batera, Bizindar, Antsoain, Gaztedi eta Ibarra ariko dira.

Igandean Artziniega  hasi eta abenduaren 21ean herri berean bukatuko da Euskal Herriko launakako txapelketa. Gizonezkoak, 320 kilokoan ez ezik 300 kilokoan ere lehiatuko dira. Emakumezkoak, 240 kilokoan eta 260 kilokoan. Gainera, txapelketa mistoa ere jokatuko dute, 280 kiloko kategorian.

 

Egutegia

Artziniegako jardunaldiaren ondotik, azaroaren 16an Laukizen (Bizkaia) eta azaroaren23an Ibarran (Gipuzkoa) jokatuko dituzte gizonezkoen 320 eta emakumezkoen 240 kiloko jardunaldiak. Segidan, gizonezkoen 300 kiloko eta emakumezkoen 260 kiloko txapelketa jokatuko dute azaroaren 30ean Araban (zehazteko), abenduaren 8an (zehazteko) eta abenduaren 14an Berriozarren (Nafarroa). Azkenik, abenduaren 21ean, txapelketa mistoa jokatuko dute jardunaldi bakarrean Artziniegan (Araba)

Larunbatetako jardunaldiak 17:00etan hasiko dira eta igandetakoak 11:30ean.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun