Foruzaingoak jakitera eman duenez, hilabeteko epean bigarren aldiz epaitegira deitu dute 50 urteko gidari gipuzkoarra gidabaimena indargabetuta zuela gidatzeagatik eta Narkotestan positibo emateagatik. Oraingo honetan N-121-A errepidean gelditu dute gidaria, Etxalar parean, eta narkotestaren proba egin diotenean positiboa eman du anfetamina, metanfetamina eta marihuana substantzietan. Miaketa egin diotenean, speed-a ere atzeman diote. Arau-urratze larria denez, oraingoan 1.000 euroko isuna jarriko eta gidabaimenetik 6 puntu kenduko dizkiote.