Hilabetez egon da Itsaso Elizagoien etxalartarra Argentina eta Txilen kontzertuak eskaintzen Carlos Nuñez eta bere taldearekin. Inoiz pentsatuko ez lukeen esperientzia bizituta itzuli zen herrira urriaren 14an, Hego Amerikan bederatzi kontzertu eskainita. Orain berriz, Eguberrietako bira prestatzen hasiak dira eta tartean izanen da abenduaren 15ean Etxalarko Elizan eskainiko duten kontzertua. Kontzerturako sarrerak dagoeneko salgai daude Etxalarko Elutsan eta Herriko Ostatuan (19 euro) eta internetez entradas.ataquilla.com web orrian. Argazkia: Ruben Sanchez