Isidoro Fagoagaren kutxari buruzko solasaldia eskaini dute Beran

Ttipi-Ttapa 2019ko urr. 23a, 16:00

Alicia Ancho Villanuevak egindako zaharberritze lanen berri eman du, Nafarroako Unibertsitate Publikoaren Udako Ikastaroen barrenean

El baúl de Fagoaga/Fagoagaren kutxa goiburupean, solasaldia eskaini du Alicia Ancho Villanuevak astearte arratsaldean Berako Beralandetan. Nafarroako Unibertsitate Publikoaren Udako Ikastaroen barrenean antolatu dute solasaldia, Berako Udalaren laguntzarekin eta Nafarroako Gobernuaren finantziazioarekin.

Isidoro Fagoagaren materialarekin Iruritan topatutako kutxaren berri eman zuen solasaldian eta barrenean zegoen materialaren (trajeak, kapak, kaskoak, baita makilaje-kutxak ere) zaharberritzea nola egin duten eta nola egiten ari diren azaldu zuen. Beralandetako solasaldian izan ziren, bertzeak bertze, German Ereña, El tenor olvidado liburuaren egilea, Estitxu Pinatxo Berako udaleko kultur zinegotzia eta Isidoro Fagoagaren Lagunak elkarteko hainbat kide.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun