Usazaleek erraten zutenez, «normalean goizeko zazpiak eta erdietarako hedatzen ditugu sareak, baina euria gogotik ari zuenez, gosaltzera joan eta gero, eguzkia atera denean, hedatu ditugu». Gerardo Danboriena, Jesus Mari Sanzberro, Joxe Mari Pikabea, Javier Galarregi, Patxi Elizalde, Cristian Warnet, Jon Sanzberro, Unai Indabere, Ángela Irisarri, Oier Iturria eta Francisco Iparragirre izan ziren igandean sareak hedatzen aritu zirenetako batzuk.
Jende gutiago ibili zen, baina joan zirenek suertea izan zuten. Eguerdi aldera turuta-soinuak aditu ziren, gero isiltasuna eta azkenik, uso bakan batzuk ehizatu zituzten sareetan.