Bortzirietako bertso eskolak, Lesakako Udalaren laguntzaz antolatutako ‘U-morez’ solasaldian, bertsolaritzan garatutako umorea(k) aztergai izanen ditu Ane Labakak, genero ikuspegitik. «Umorea boterea da. Nork egiten du barre? Nori buruz? Nola? Zein hiztegi baliatuz? Historikoki gizonezkoa izan da umore egilea, subjektua. Eta gainerako guztiak bilakatu ditu umore objektu, gainerako guztiei buruz egin du barre eta tartean, nola ez, emakumeoi buruz. Umorea zapaltzea da goitik beherako noranzkoan. Behetik gora (edo parez pare) burutzean, aldiz, askatzea izan daiteke, erresistentzia edo are transgresiorako arma. Genero-ikuspegia eta diskurtso feminisitak gero eta hedatuago dauden garaiotan, nolako umorea(k) lekutzen dira bertsolaritzan?».
Gaztain-jatea urriaren 26an Basurden
Hilaren 26an, berriz, gaztain-jatea eginen dute Basurden, Unai Iturriaga eta Miren Amuriza bertsolariekin. Iban Garro izanen da gai-jartzaile. 19:30ean hasita pintxoak, gaztainak eta bertsoak izanen dituzte, 10 eurotan. Izena emateko 618 963011 telefonora deitu edo bortzibertso@gmail.com helbide elektronikora idatzi behar da.