Haurren ibilbidea Postas eta Bera artean eginen dute eta txirrindulariak Postasera hurbiltzeko laguntza beharko dutela adierazi dute Gure Txokoa elkartetik. Haurren lasterketan parte hartzeko, bortz euro ordaindu beharko dituzte izena ematerakoan eta gurasoen baimena ere aurkeztu beharko dute (Aloña botikan edo Katea Bike dendan eskura daiteke orria); bertzela, adin nagusiko arduradun batek lagunduta parte hartu beharko dute.
Helduen lasterketan parte hartzeko, berriz, federatuek eta Gure Txokoako bazkideek bortz euro ordaindu beharko dituzte izena emateko eta federatu gabekoek eta Gure Txokoako bazkide ez direnek hamar euro.
Proba egin ahal izateko boluntarioak ere beharko dituztenez, laguntzeko prest dagoena elkarteko kideekin harremanetan jar daiteke.