Illekueta auzoko bestak ospatu dituzte asteburuan Beran. Giro bikaina izan dute. Larunbat eguerdian Konpaneko zubitik bota zuten txipinazoaren ondotik, buruhandi eta erraldoiekin ibili ziren, gaiteroek lagunduta. Herri-kirol saio ikusgarria ere izan zuten, Larretxeatarrekin eta Inaxio Perurena harri-jasotzaile zutela. Mahai-inguruan bildu ziren gero, auzo-bazkarian. Mus txapelketak, Bera Kantarik eta zezensuzkoak borobildu zituzten larunbateko ospakizunak. Igandean meza, haurrentzako marrazki lehiaketa, jolasak, Gure Txokoa dantza taldearen ikuskizuna eta pintxo-dastaketa izan zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.