Sesta emateko epea bukatu ondotik, postu baten eskaintza hobetu dute bakarrik eta hutsik gelditutako bertze seirak ere sartuko dira enkantean
Etxalarko Herriko Etxeak Iarmendi inguruan daude uso postuak esleitzeko bigarren enkantea eginen du irailaren 17an, astearte arratsaldeko 7etan hasita. Lehenbizikoa irailaren 7an egin zen eta sesta emateko epea bukatu ondotik, orduan esleitu zen postu bakarrari hobetu zaio prezioa. Hori eta hutsik gelditutako bertze sei postuak sartuko dira astearteko enkantean.
Hain zuzen, hamabigarren postuaren prezioa seiren batean hobetu dute epe honetan eta 1.972 euroko hasierako prezioa izanen du astearteko enkantean.
Hamabigarren postuarekin batera, irailaren 7an hutsik gelditu ziren 1 (940 euro), 13 (1.485 euro) 15 (940 euro) eta 16, 17 eta 18. postuak (bakoitzak 730na euro) aterako dira enkantean. Bigarren enkantean ere hutsean geldituko balira, zozketa egiteko aukera dauka Etxalarko Udalak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.