Berako Udalak garbiketa lanetan aritzeko deialdia egin du

Udal bulegoak garbitzeko kontratazio zerrenda osatuko dute, oposizio-lehiaketa bidez.

Interesa dutenek irailaren 25a arte eman dezakete izena

Berako Udalak, garbiketa-langileentzako izengaien zerrenda osagarria osatzeko, kontratazio deialdia egin du. E mailako lanpostua betetzeko oposizio-lehiaketa eginen du eta, aldi baterako kontratazioetarako zerrenda osatuko dute. Berako Udalaren bulegoak garbitzeko izanen da.

Interesdunek eskabideak irailaren 25a arte auzkez ditzakete. Egun horretan Berako udaletxeko erregistroan 13:30era arte jasoko dituzte eskaintzak eta 39/2015 Legearen 16.4 artikuluko baliabideak erabilita 23:59etan akituko da epea. Hautagaiek enplegu bulego batean eskatzaile gisa edo enplegua hobetzeko inskribatuta egon beharko dute.

Kontratazioari dagokion deialdia Berako Udalaren webgunean ikus daiteke, iragarki taulan.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun