'Ruandan zer berri? Galdeiezu bizikletei' erakusketa paratuko dute Beran

Erakusketan ikus daiteke bizikletek Ruandan duten garrantzia.

Irailaren 16tik 25era Kultur Etxean izanen dira Medicus Mundiren argazkiak

‘Ruandan zer berri? Galdeozi bizikletei’, Medicus Mundi Gobernuz Kanpoko Erakundearen argazki-erakusketa ikusgai izanen da irailaren 16tik 25era Berako Kultur Etxean. Egunero zabalduko dituzte ateak, 17:00etatik 20:00etara.

Ruanda

Ruanda Afrikan dago, herrialde ttikia da. Bizikletak paisaian txertatuak daude, eta nonahi dabiltza, dela errepideetan, dela bide latzetan, dela malda amaiezinetan.

Ederki apainduak, hautsezinak eta zernahitarako erabiliak, bizikletek erakusketa honetan arras ongi kontatzen digute -ohartu gabe ere- zer egoeratan dauden mila muinoetako herrialdeko gizartea eta politika.

 

Medicus Mundi

Medicus Mundi erakundeak Ruandako Gakenke distritoan lan egiten du, bertako bizilagunen bizi-balditzak hobetzeko, eta Osasun Sistema Publikoa indartzeko helburuarekin. “Distrito Gakenke”  proiektuak 250.000 pertsonengan eragin onuragarriak dauzka eta Burlatako Udalaren 160.000 euroko dirulaguntza jasoko du 2016tik 2019ra bitartean.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun