Egun osoko besta
Aurten, hori berreskuratu nahian, egun bateko besta prestatu dute, irailaren 14rako, larunbaterako. Eguerdian, 12:00etan, botako dute bestari hasiera emanen dion txupinazoa, eta segidan, herriko dantzarien saioa izanen da. Trikitilariekin batera eskainiko dute emanaldia.
14:00etan bazkaria izanen dute, fabrikaren ondoan, trikitilariek alaitua. Dagoeneko salduak daude bazkarirako txartel guztiak. Ondotik, mus eta partxis txapelketak jokatuko dituzte eta ilunabarrean, 19:00ak aldera, hanka lehiaketarekin emanen diote segida bestari.
Txosnaren inguruan emanen diete akabera besta egunari, musika eta dantzarekin. Egun polita pasatzeko aukera herritar guzientzat.