Herritarren eta ingurukoen babesa jaso du Haizea Ziluagak

Irailaren 16an hasiko den 11/13 epaiketa salatzeaz gain, 47 auzipetuen artean dagoen Haizea Ziluaga Larreategi aranztarrarei babesa adierazteko elkartasun eguna egin dute Arantzan.

Jende andana bildu zen larunbatean Arantzan egindako elkartasun bestan. Hasteko, herriko trikitilari eta panderojoleekin kalejira egin zuten herriko karriketan barna eta ondotik, ekitaldia hasi zen plazan. Iban Garro bertsolari lesakarraren bertsoek, herriko dantzarien saioak, familiakoen elkartasun keinuak, herritarren, ingurukoen eta lagunen mezuekin osatutako bideoaren emanaldiak eta herritar talde baten kantak borobildu zuten ekitaldia. Ondotik, ehun lagunetik goiti bildu ziren frontoian egindako afarian eta nahi zuenak besta Ekaitza Elkartean luzatzeko aukera izan zuen.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun