Uztailean, abuztuan eta irailean antolatzen ditu IKA euskaltegiak udako ikastaroak. Bertaratzen direnei, bi astez, egun osoa euskaraz aritzeko aukera paregabea eskaintzen zaie.
Aurten, bi barnetegialdi izan dira Lesakan: uztailaren 15etik 28ra, eta abuztuaren 19tik irailaren 1era. Giro ederra izan dute bietan, ikasleek ongi pasatu eta euskara maila hobetu ahal izan dute. Polita izan da hasieran kostata solastatzeko gai ziren ikasleen garapena ikustea, bukaerarako, euskaraz komunikatzeko pausoa ematea lortu baitute.