'Haizea eta 47ak herrian' elkartasun afarirako txartelak salgai daude Arantzako ostatuetan eta Lesakako Arranon

Irailaren 7an, larunbatean, 'Haizea eta 47ak herrian' elkartasun besta eginen dute Arantzan. Ilunbarretik mugimendua sumatuko da herrian. Dantzak, musika, bertsoak... izanen dituzte. 19:00etako kalejiraren ondotik, 20:00etan ekitaldia eginen dute. 21:00etan herri-afarian bilduko dira. Txartelak irailaren 3a arte, asteartea, salduko dira Arantzako ostatuetan eta Lesakako Arranon. Helduek 20 euro eta haurrek 10 ordaindu beharko dituzte.