Proba 18:00etan hasiko da haurren lasterketekin. Txikienek 150 metroko distantzian parte hartuko dute, aurrebenjaminek 300 metrotan, benjaminek 400 metro osatu beharko dituzte, alebinek 800 metro eta infantilek 1.200 metro.
18.30ean helduen txanda izanen da, bertan, junior, senior eta beteranoen mailako lasterkariek parte hartuko dute. Junior mailako gizon eta emakumeek bi bira eman beharko dizkiote auzoko zirkuitoari, 2.900 metro osatuz. Senior eta beteranoek, berriz, lau itzuli eman beharko dituzte, 5.800 metro osatzeko. Izen-emateak, egunean bertan egin ahal izanen dira irteeran. Proba bukatutakoan sari-banaketa eginen dute.