Kalakan hirukoteak eta Nayade abesbatzak emanaldi ederra eskaini dute Beran

Ttipi-Ttapa 2019ko abu. 9a, 09:00

Kalakan hirukote ezagunak eta Nayade abesbatzak kontzertu bikaina eskaini dute abuztuaren 8an Berako San Esteban elizan. Kalakan talde lapurtarrak eta Irungo Nayade Abesbatzak kontzertu berezia eskaini dute. Bakoitzak beraien unibertsoa aurkeztu du, baina pieza gehienak elkarrekin eman dituzte. Melodiak, erritmoak, harmoniak, ahotsak, instrumentuak… osagai guztiak hor izan dira momentu berezi bat sortzeko.

Berezia eta esklusiboa izan da, honelako emanaldi bat behin bakarrik eman baitzuten iaz errepertorio horrekin: ShennandoahMedia VitaJuramentoArgizagiXorietan buruzagiMutil txaleko gorri eta abar… birmoldatu dituzte, Kalakan taldearen errepertorioa ahantzi gabe. Emanaldiaren ondotik, elkarrekin afaldu dute musikari eta abeslariek Xugan.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun