Leoncio Urabayenen argazki-erakusketa ikusgai dago Berako Kultur Etxean

Erakusketan ageri den argazkietako bat.

Joan den mendearen erditsuan baserriei ateratako argazkiak ikusteko modua izanen da abuztuaren 6ra bitarte

Leoncio Urabayen Guindo geografo nafarrak joan den mende erditsuan Nafarroako baserriei ateratako 30 argazkien erakusketa ikusgai dago Berako Kultur Etxean abuztuaren 6ra bitarte. Nafarroako Unibertsitateko Publikoko Kultura eta Kirol Atalak antolatu du eta NUP Antenak ekimenari esker ailegatu da Berara.

Erakusketa asteartetik larunbatera 10:00etatik 14:00etara eta eta 16:00etatik 19:00etara eta igande eta besta egunetan 10:00etatik 14:00etara ikus daiteke.

 

Nor zen Leoncio Urabayen?

Leoncio Urabayen Guindo (Erroz 1888-Iruñea 1968) geografo modernoa izan zen. Hainbat ikerketa egin zituen, eta baserri eta landa eremuetako etxeei bereziki erreparatu zien. Eusko Ikaskuntzako sortzaileetako bat izan zen.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun