Berako Satelitik taldeak kontzertua eskainiko du larunbatean Arantzan

Berako musikariek osatzen duten Satelitik taldeak kontzertua eskainiko du larunbat arratsaldean Arantzako Aterpean.

Folk eta pop musika egiten duen Berako taldeak joan den urtean diskoa kaleratu zuen. Larunbat honetan, berriz, Aterpean eskainiko dute emanaldia, 19:00etan.

Satelitik taldea honela osatua dago: Dani Irazoki gitarrarekin eta kantari aritzen da; Jones Agarak gitarra jo eta koruak egiten ditu; Kotte Berruetak akordeoia jotzen du; Ibai Gogortzak kontrabaxua eta saxofoia; eta Mikel Lertxundik bateria.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun