Urteroko hitzorduari hutsik egin gabe, aurten ere, esku pilotak bere txokoa izan du Lesakako sanferminetan. Bi partida jokatu zituzten. Kantxaratzen lehendabizikoak Andrea Aldaregia eta Naroa Elizalde izan ziren; ondotik, berriz, binaka jardun ziren: Iñigo Pascual eta Jon Olaizola Yves Salaberri Xala eta Iñigo Martinezen aurka.
Aldaregia eta Elizalde gogor lehiatu ziren, eta patida guztian pare-parean ibili ondotik, 19-22 nagusitu zen Aldaregia. Ikusleek berotasuna eskaini zieten batari zein bertzeari. Ondotik, binakako partidei egin zieten tarte. Martinezek eta Xalak lortu zuten garaipena, 17-22 mendean hartuz.