Datuak dira Bortzirietako udalekuek izan dute arrakastaren lekuko. Guztira 3 eta 12 urte bitarteko 209 neska-mutikok eman dute izena, iaz baino 12 gehiagok. Arantzan 40 haur apuntatu dira, Beran 102, Etxalarren 36, Igantzin 12 eta Lesakan 20. Horiez arduratzeko, guztira 25 begirale ariko dira lanean: Beran hamar, Arantza eta Etxalarren launa, Lesakan bi eta Igantzin hiru. Horietako bat behar bereziak dituen haur batekin egonen da.
Euskara Mankomunitateak Dindaia Fundazioarekin batera antolatu ditu udalekuak, Bortzirietako Gizarte Zerbitzuen Mankomunitatearen eta Caixabank-Obra Sozialaren laguntzarekin.