Izaki Gardenak 2012an sortu zen Jon Basagurenek konposatutako abesti batzuei forma emateko. Urte bereko irailean abesti horietako bost grabatu zituzten Iñaki Llarenaren estudioan. Grabazio haiek Oihuka/Elkarrek argitaratutako Itsasargiak izeneko EPan azaldu ziren. 2013ko udan, Donostiako Elkar estudioan sartu ziren Amaieratik hasi taldearen lehen diskoa grabatzeko Víctor Sánchezekin. Diskoa urte bereko urrian kaleratu zen eta taldea Euskal Herrian gehiago ezagutzeko balio izan zuen.
2015eko udazkenean Aurri gara kaleratu zen, aurrekoa bezala Elkarren grabatutakoa Víctor Sánchezekin. Lan horrek oso kritika onak jaso zituen eta amerikar/folk estiloko estatuko disko onena aukeratu zuen Mondo Sonoro aldizkariak. Bira luze baten ondoren, 2017ko martxoan atseden hartzea erabaki zuten. 2019an, Dena osko kaleratu dute eta agertokietara itzuli dira.