Hainbat gai eztabaidatuko dituzte, baina lehen-lehenik, herri-bazkaria egin edo ez egin erabakiko dute. Egitea erabakiko balitz, nortzuk daude prest laguntzeko, zein egunetan eginen litzatekeen, formatoa (zikiro-jatea, paella-jatea, cateringa, lehiaketa...) eta zein lekutan (Altzateko frontoia, Herriko Etxeko Plaza…) aztertuko lukete.
Deialdi berezia egin diete Berako kuadrillei eta elkarteei
Azken urteotan Berako bestetako herri-bazkariak bere gorabeherak izan ditu: duela urte batzuk jende franko biltzen zen eta azken urteotan aunitzez guttiago. Hori dela-eta, joan den urtean ez zen bazkaririk egin. Gai honetaz solasatastzeko bilera-deialdia egin du Berako Kultur Batzordeak ekainaren 24an, astelehenean 19:00etan Beralandetan eta gonbidapen berezia egin diete herriko kuadrillei eta elkarteei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun