Jende berria erakartzeko, larunbatetan 11:00etatik 13:00etara Herriko Etxeko Plazan
Berako erraldoien konpartsak ate irekien jardunaldiak eginen ditu ekainaren 22an eta 29an, jende berria taldera erakartzeko. Ate irekiak ekainaren 22an eta 29an izanen dira Herriko Etxeko plazan. Berako erraldoi taldeak gonbidapena zabaldu nahi die 16 urtetik goitiko herritar guztiei hurrengo bi larunbatetan, ekainak 22 eta 29, eginen dituzten ate irekien jardunaldietan parte hartzeko.
Hitzordua Herriko Etxeko Plazan, larunbatetan 11:00etatik 13:00etara izanen da. Han izanen dira ikusgai, dantzatuko dituzte eta bertaratutakoek probatzeko parada izanen dute.
Gisa berean, konpartsako egungo kideek euren urteko funtzionamendua azalduko dute: noiz entsakatzen duten, zein bestetan dantzatzen duten, eta bertze jakingarriak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.