Joxe Amunarriz hondarribitarra eta Idoia Maritxalar lesakarra nagusitu dira Lesakako I. Mendi Lasterketan

Ttipi-Ttapa 2019ko eka. 17a, 09:54
Deskargatu Info Ahotsak :
Español English Français Català Galego

Gazte Trail lasterketan Mattin Lekuona lesakarra eta Urnietako Ana Otaegi izan ziren bizkorrenak

Ekainaren 15ean egin dute Beti Gazte elkarteak lehen aldiz antolatutako Lesakako Mendi Lasterketa. 14 kilometro luze eta 900 metroko desnibela duen lasterketa osatu zuten nagusiek, tartean Frain (455 metro) eta Unanue igoz. Gizonezkoetan, Hondarribiko Joxe Amunarriz nagusitu zen (1.11.15), Iruñeko Ion Sola (1.15.18) eta Hendaiako Damien San Martinen (1.17.14) aitzinetik). Emakumezkoetan, Lesakako Idoia Maritxalar izan zen bizkorrena (1.45.32), Zumaiako Maite Egaña (1.50.26) eta Elorrioko Iratxe Arrizabalagaren aitzinetik.

13 eta 17 urte bitarteko gazteei zuzendutako Gazte Trail lasterketa, 7 kilometro luze eta 300 metroko desnibela duena ere egin zuten. Hauek Frain igo eta herrira jautsi behar zuten. Mattin Lekuona lesakarra nagusitu zen (30.33), Erratzuko Unai Bengotxea (31:50) eta Arantzako Jon Zabalaren aitzinetik (33.53). Nesketan, Urnietako Ana Otaegi izan zen garaile (35.22). Berako Ainhoa Etxegarai (38.47) eta Lesakako Oihana Arrutik (39.56) osatu zuten podiuma.

Taldeka Erlaitz izan zen bizkorrena, eta Beti Gazte bigarren.

Kirola Bortziriak Lesaka
Erlazionatuak
Lesakako I. Mendi lasterketa sailkapena
Gazte Trail sailkapena

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!