Unai Astiz mendean hartu zuen lesakarrak, 18-11 irabaziz.
Pilotaleku bete jende bertaratu zen ortziralean Arrotxapean jokatu zuten esku pilotako VII. Open Diario de Navarra txapelketako finalera. Hasieratik aitzin hartu zion lesakarrak, buruzgaindarrari alde nabaria atera ziolarik (15-4).
Markagailuak 17-4ko aldea izatetik, 17-11 izatera pasa ziren «oharkabean». Berandu baino lehen, hutsei neurria hartzeko bide izan zuen lesakarrak, eta horri esker, txapela jantzi zuen.
Ordu erdi eskaseko partidan 11 tanto egin zituen Olaizolak; 5 Astizek eta lesakarrak 5 galdu zituen heinean, 4 izan ziren buruzgaindarrari ihes egin ziotenak. 300 lagun ingururengan ikusmira eragin zuen partidak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.