Meza aditu eta gero bazkaria izanen dute Arantzako Burlada jatetxean
Lesakako San Fermin erretiratuen elkarteko mendi taldeak San Juan Xarrera ibilaldia eginen du ekainaren 24ean. Oinez doazenak 09:00etan abiatuko dira egoitzatik eta hameketakoa ere izanen dute ohiko lekuan (norberak eraman beharko du). Autobusean doazenak berriz, 11:00etan aterako dira su-hiltzaileen partetik, San Juan Xarreko mezara joateko.
Gero bazkaria izanen dute Arantzako Burlada jatetxean honako menuarekin: urdaiazpikoa, pate, entsalada gularekin, arrain-zopa, legatza, bildots errea entsaladarekin eta sagar-tarta. Txartelak 31 eurotan eskuratzen ahal dira elkartearen ostatuan ekainaren 20ra arte.